Serbisyo Caravan, inilunsad ng LGU Giporlos sa Eastern Samar
Matagumpay na inilunsad ng Local Government Unit ng Giporlos ang Serbisyo Caravan sa Brgy. President Roxas, Giporlos, Eastern Samar nito lamang August 1, 2025.
Ang aktibidad ay pinangunahan ni Hon. Gilbert I. Go, Municipal Mayor kasama ang mga miyembro ng Sangguniang Bayan, Punong Barangays, LGU-Giporlos Department Heads, Rural Health Unit (RHU), AFP 63rd Infantry Battalion, SF03 Gilbert Genilo, BFP Giporlos, ERT Giporlos at Giporlos Municipal Police Station sa pamumuno ni Police Lieutenant Necias C. BEBITA Jr., Officer-In-Charge.
Tinalakay sa aktibidad ang tungkol sa RA 8353 (Anti-Rape Law), RA 11930 (Online Sexual Abuse and Exploitation of Children or OSAEC), at RA 9165 (Comprehensive Dangerous Drugs Act of 2002).
Nag-alok naman ng libreng serbisyo sa pagpapagupit ang mga kapulisan kasama ng AFP bilang bahagi ng pakikipag-ugnayan sa komunidad.
Ang Serbisyo Caravan ay gumaganap ng mahalagang papel sa pag-angat ng buhay ng mga mamamayan sa pamamagitan ng paghahatid ng mga mahahalagang serbisyo ng pamahalaan—tulad ng pangangalaga sa kalusugan, legal na edukasyon, at mga programa sa kapakanang panlipunan—diretso sa mga komunidad na kulang sa serbisyo at malalayong lugar.
Ang inisyatiba na ito ay hindi lamang nagpapalakas ng paghahatid ng serbisyong pampubliko ngunit nagpapalalim din ng tiwala sa komunidad, nagpapahusay ng pakikipag-ugnayan sa komunidad, at nagtataguyod ng isang transparent at responsive government.
