“Serbisyong May Puso: Laruan at Gamit Para sa Kinabukasan”, handog ng kapulisan sa Baras, Catanduanes

Sa likod ng unipormeng suot araw-araw ay isang pusong handang maglingkod, hindi lamang bilang tagapangalaga ng katahimikan, kundi bilang katuwang sa pag-abot ng mga pangarap ng kabataan.

Sa isang makabuluhang araw ng serbisyo, nitong Setyembre 16, 2025, PCMS Desiree L Tapia, sa pangunguna ni PCPT RHANDY R RAPESORA, Acting Chief of Police ng Baras MPS, namahagi ng mga laruan at gamit pang-eskwela sa kabataan ng Brgy. JMA, Baras, Catanduanes.

Hindi man marangya o magarbo, dala ng mga munting handog na ito ang ngiti at tuwa sa mga mukha ng mga bata, at higit sa lahat, panibagong pag-asa na magsikap sa kanilang pag-aaral.

Ipinakita ni PCMS Desiree L Tapia na ang tunay na diwa ng pagiging alagad ng batas ay hindi nasusukat sa dami ng naaresto o kasong nalutas, kundi sa dami ng pusong nahahaplos at inspirasyong naibabahagi.

Sa simpleng pagkalingang ito, tiniyak niyang mararamdaman ng mga kabataan na sila ay mahalaga at may kakampi sa kanilang paglalakbay tungo sa magandang kinabukasan.

Ang mga laruan ay nagsilbing paalala na hindi kailanman mawawala ang pagkabata sa kanilang mga puso, habang ang mga school supplies ay naging simbolo ng panibagong simula at determinasyon upang tuparin ang kanilang mga pangarap.

Sa mga ganitong munting paraan, pinapatunayan ng ating kapulisan na ang kanilang serbisyo ay hindi lamang para sa kasalukuyan, kundi para rin sa kinabukasan ng mga kabataang siyang susunod na henerasyon ng ating bayan.

Source: Baras Mps Catppo