Bacolod City Government, namahagi ng mga kagamitan sa Bacolod City PNP
Namahagi ng iba’t ibang equipment ang Bacolod City Local Government Unit sa pamumuno ni Mayor Greg Gasataya para sa Bacolod City PNP nito lamang araw, January 14, 2026.
Nanguna si Mayor Gasataya sa isinagawang turnover ceremony na masigasig namang sinamahan ni PCOL JOERESTY CORONICA, City Director ng Bacolod City Police Office kasama ang 10 station commanders ng lungsod na siya ring mga recipient ng nasabing mga kagamitan.
Kabilang sa mga dinonate ng Bacolod City LGU ang 36 personnel computers, 34 printers, at 40,800 rounds ng 9mm ammunition — na tiyak na magagamit umano sa pagsasanay ng pulisya partikular na sa SWAT Team ng lungsod.
Binigyang-diin naman ni Mayor Gasataya ang buong suporta umano ng lokal na pamahalaan ng Bacolod City sa pulisya. Aniya: “I remember when I was still a councilor, the allowance was only about ₱500. Now, it is already ₱2,000 monthly — something that can really help our personnel,” the mayor said, adding that the allowance is now in effect.
Inanunsyo rin ng alkalde ang paparating pang 10 fully electric patrol vehicles, na siyang pinaka-una umano sa buong Negros.
“These will be full electric vehicles assigned to ten police stations. This is our way of showing our support and appreciation for the accomplishments of the BCPO. You are doing your jobs, risking your lives day and night to ensure the safety of Bacolod, including reducing the entry of illegal drugs into the city,” saad pa niya.
Dagdag pa ni Gasataya na ang pagpapanatili ng kapayapaan at kaayusan ay parehong responsibilidad ng national at mga local government units.
“We know that this cannot be handled by the national government alone. The local government also has a role, and we are always here to support all of you,” saad pa niya.
Photos: BCPO Public Information Office
