Provincial Government, isinagawa ang pagpupulong para sa pangmatagalang kapayapaan at inklusibong pag-unlad sa Northern Samar
Matagumpay na isinagawa ng Provincial Government ng Northern Samar ang pagpupulong para sa pangmatagalang kapayapaan at inklusibong pag-unlad ng lalawigan na ginanap sa Ibabao Hall, Provincial Capitol Building, Northern Samar nito lamang Agosto 20, 2025.
Kasama sa naturang meeting ang mga tauhan ng Northern Samar Police Provincial Office sa pamumuno ni Police Colonel Sonnie B Omengan, Provincial Director, DILG, DSWD, AFP, OPAPRU, DOLE, DOH, TESDA at iba pang stakeholders.
Nakatutok ang talakayan ng pangkat sa muling pagpapaigting sa pagpapatupad ng EO 70 at NTF-ELCAC na mga hakbangin sa lalawigan.
Tinalakay rin ang pag-unlad sa lalawigan at gumawa ng mga rekomendasyon sa patakaran upang palakasin ang koordinasyon, pagbutihin ang paghahatid ng serbisyo, at tugunan ang mga ugat na sanhi ng insurhensya sa lalawigan.
Sa pamamagitan ng Whole-of-Nation Approach, ang grupo ay nananatiling matatag sa pangako sa kapayapaan, seguridad, at napapanatiling pag-unlad para sa bawat Nortehanon.
