BPATs, nakiisa sa Security Assistance sa Basketball Tournament

Nakiisa ang Barangay Peace-keeping Action Team (BPATs) sa isinagawang Security Assistance ng mga tauhan ng PNP mula sa Bacuag Municipal Police Station (MPS) sa Basketball Tournament na ginanap sa Covered Court, Barangay Poblacion, Bacuag, Surigao del Norte noong Setyembre 28, 2024ganap na 9:08 ng gabi.

Ang pangunahing layunin ng presensya ng pulisya at BPATs ay ang magbigay ng seguridad at suporta sa komunidad.

Ang naturang aktibidad ay bahagi ng paghahanda sa nalalapit na ika-114 na Patronal Feast ng bayan. Ang pakikilahok ng PNP at BPATs ay bahagi ng mas malawak na programa na kilala bilang L.I.G.T.A.S Caraga, na nakatuon sa pagpapatupad ng mas epektibong hakbang sa pagpigil ng krimen.

Sa pamamagitan ng pagkakaroon ng mga pulisya at tanod sa lugar, nagkaroon ng dagdag na seguridad ang mga residente at mga manlalaro, habang sinisiguro rin ang kaayusan at kapayapaan sa buong kaganapan.