KKDAT Basay Chapter, nakiisa sa Feeding Activity sa NegOr
Negros Oriental – Masayang nakiisa ang mga miyembro ng Kabataan Kontra Droga at Terorismo (KKDAT) sa isinagawang Feeding Activity sa Barangay Nagbo-alao, Basay, Negros Oriental nito lamang ika-3 ng Hunyo 2023.
Ang naturang aktibidad ay pinangunahan ng Basay PNP sa pangangasiwa ni Police Major Marcos Auxteriaco Lopez, Officer-In-Charge, katuwang ang mga Barangay Officials.
Tinatayang nasa 50 na kabataan kasama ang kanilang mga magulang ang nahandugan ng mainit na champorado sa nasabing aktibidad.
Ang hakbang ng naturang grupo ay naglalayong makapaghatid ng pangunahing serbisyo sa mga mamamayan at magbigay kaalaman tungkol sa mga kapakanan at seguridad ng mga kabataan.
