Advocacy Suppport Groups, nakiisa sa Community Outreach Program

Aktibong nakilahok ang mga advocacy support groups sa inilunsad na community outreach program sa Barangay Mauswagon, Cabanglasan, Bukidnon nitong umaga ng Huwebes, Setyembre 28, 2023.

Kasama rin sa aktibidad ang mga miyembro ng Police Regional Office 10, Bukidnon Police Provincial Office, Cabanglasan Municipal Police Station, Munisipalidad ng Cabanglasan, Regional Medical and Dental Unit 10, National Intelligence Coordinating Agency 10, Force Multpliers, at Barangay Peacekeeping Action Team. Isinagawa ang pamimigay ng gamot, foodpacks, bigas, libreng gupit, libreng tuli, packed lunch, school supplies at tsinelas.

Nagkaroon din ng turn-over ng solar lights sa naturang barangay. Umabot sa 300 indibidwal ang natulungan ng naturang programa.