KKDAT, nakiisa sa pamimigay ng school supplies sa Cabanatuan City

Nakiisa ang mga miyembro ng Kabataan Kontra Droga at Terorismo (KKDAT) sa pamimigay ng mga libreng kagamitan sa mga mag-aaral ng Day Care Center ng Barangay Sta. Arcadia, Cabanatuan City nito lamang Martes, ika-14 ng Nobyembre 2023.

Pinangunahan ito ng mga tauhan ng Cabanatuan City Police Station katuwang ang mga stakeholders mula sa SM City Cabanatuan at iba pang Advocacy Support Group. Namigay ng lapis, papel at pangkulay na kung saan labis na ikinatuwa ng mga batang mag-aaral.

Ang aktibidad ay naglalayong makapaghatid ng saya sa mga kabataan upang magsilbing inspirasyon na pagbutihin ang kanilang pag-aaral.