Force Multipliers, nagkaisa sa pagsesemento ng pathway sa Northern Samar

Tulong-tulong ang mga Force Multipliers sa patuloy na pagsesemento ng pathway sa Brgy. Balnasan, San Roque, Northern Samar, nito lamang Disyembre 4, 2023.

Katuwang ng mga Barangay Officials sa proyekto ang mga tauhan ng Revitalized Pulis sa Barangay Team Balnasan at mga residente ng nasabing barangay.

Layunin ng proyekto na mas mapadali ang pagpunta mula sa Brgy. Compound hanggang sa Farmers Association Hall sa Brgy. Balnasan at para rin mapabilis ang pagpunta sa mahahalagang serbisyo, pamilihan at sa trabaho.

Sa pamamagitan ng pagsasagawa ng mga ganitong aktibidad, patuloy na pinapalaganap ang diwa ng kapayapaan at pagtutulungan sa ating komunidad tungo sa mas mapayapa at mas maunlad na kinabukasan para sa mga mamamayan.