Advocacy Support Groups, aktibong nakiisa sa Bloodletting Activity sa Camp Diego Silang

Aktibong nakiisa ang mga miyembro ng Advocacy Support Groups sa bloodletting activity na ginanap sa Camp Diego Silang, Carlatan, City of San Fernando, La Union nito lamang ika-12 ng Disyembre 2023.

Kasama ng Advocacy Support Groups sa aktibidad ang Bagulin PNP na pinapangunahan ni Police Captain Joseph C Burcio, Officer-in-Charge Layunin ng aktibidad na makalikom ng dugo na maaaring makatulong sa mga pasyenteng nangangailangan nito at upang makaligtas ng buhay.

Samantala, nangangako naman ang iba’t ibang organisasyon na patuloy silang makikiisa at magsasagawa ng mga aktibidad kung saan may layunin na makatulong sa mga nangangailangan.

Source: Bagulin Municipal Police Station