Advocacy Support Group, nakiisa sa Disaster Relief Operation Activity

Nakiisa ang mga miyembro ng Advocacy Support Group sa isinagawang Disaster Relief Operation sa mga biktima ng sunog sa Barangay Sambag 2, Cebu City noong ika-10 ng Mayo 2024.

Ang naturang aktibidad ay pinangunahan ng Abellana Police Station 2 sa pamumuno ni Police Major Mark Don Alfred Puazo Leanza, Station Commander, sa pakikipagtulungan sa Cebu City Police Office, Deputy City Director for Operation Police Lieutenant Colonel Joy Leanza, Hon. Keith Noel Wenceslao, kapitan ng Barangay, at ang Rotary Club ng Cebu-Fuente sa pangunguna ni Mr. Jose Mari Ponce.

Namahagi ang grupo ng mga emergency supplies, kabilang ang mga food packs, malinis na tubig, kumot, at hygiene kit.

Sa pamamagitan nito ay tinutulungan ng ating gobyerno na matugunan ang mga pangunahing pangangailangan ng mga biktima ng kalamidad at bawasan ang kanilang paghihirap.

Sa panahon ng pangangailangan, mahalagang makiisa ang iba’t ibang sektor ng lipunan upang magbigay ng tulong at suporta sa mga apektadong residente.

Ang koordinasyon ng mga awtoridad ng pamahalaan, mga opisyal ng barangay, at mga organisasyon tulad ng Rotary Club ay nagpapakita ng epektibong pagsasama-sama upang maibsan ang hirap ng mga biktima.

Source: Abellana Police Station 2, CCPO