BPATs, nakiisa sa Tree Planting Activity

Nakiisa ang mga miyembro ng Barangay Peacekeeping Action Team sa isinagawang Tree Planting Activity sa Sitio Mogao, Barangay Payeo, Besao, Mountain Province noong ika- 8 ng Hunyo 2024.

Katuwang sa naturang aktibidad ang mga tauhan ng Besao Municipal Police Station at mga miyembro ng KALIPI ng nasabing lugar.

Ang mga kalahok ay matagumpay na nakapagtanim ng 100 pine tree seedlings.

Ang nasabing aktibidad ay naglalayong itaas ang kamalayan ng lahat at bigyan ng kapangyarihan na tumulong sa pag-aalaga ng kapaligiran.

Ito rin ay upang bigyang-pansin ang kahalagahan ng pagtatanim ng mga puno na nakakatulong sa pagliit ng epekto ng pagbabago ng klima at nakatutulong sa pagprotekta sa kapaligiran.

Panulat ni Melba