Coastal Clean-up Drive, isinagawa sa CDO
Matagumpay na isinagawa ang Large Coastal Clean-up Drive sa Lapasan Cagayan de Oro City nito lamang ika-21 ng Setyembre 2024.
Aktibong nakilahok ang mga miyembro ng Kusgan Volunteers Incorporated, Climbs CARES at Strong Radio 90.3. Nakiisa rin ang mga personahe ng Cagayan de Oro City Police Office katuwang ang Bureau of Fire Protection 10, Venus Health and Wellness Marketing Cooperative at iba pang force multipliers.
Masayang nagkaisa ang mga grupo sa paglilinis at nakapagtipon ng sako-sakong basura mula sa nabanggit na lugar. Ang aktibidad na ito ay naglalayong hikayatin ang pagkakaisa at pagtutulungan ng komunidad sa pangangalaga at pagpapanatili ng kalinisan ng kapaligiran.
