Barangay-Based Group, nakiisa sa Road Clearing Operations sa Baggao, Cagayan

Nakiisa ang mga miyembro ng Barangay-Based Group sa isinagawang road clearing operations sa ilang barangay ng bayan ng Baggao, Cagayan noong Nobyembre 15, 2024.

Katuwang ang Baggao Police Station, nagtulungan ang grupo sa pagpuputol ng mga sanga at pag-aalis ng mga natumbang puno na dulot ng malalakas na hangin at pag-ulan hatid ng Bagyong Ofel.

Bukod dito, nagsagawa rin sila ng monitoring sa iba’t ibang barangay upang masuri ang lebel ng tubig at magbigay ng babala sa mga residente na maging handa at alerto sa posibleng landslide at pagbaha.

Patuloy namang pinaigting ng Advocacy Support Group at ng PNP ang kanilang kampanya sa pagbibigay ng paalala sa mga residente na maging mapagmatyag, sundin ang mga abiso ng mga otoridad, at manatiling handa upang matiyak ang kaligtasan ng bawat isa.