Clean-up Drive, isinagawa sa Bukidnon
Matagumpay na isinagawa ang Clean-up Drive sa Sitio Kalinawan Brgy. Guihean, Impasug-ong, Bukidnon, nito lamang ika- 11 ng Enero 2025.
Ang naturang aktibidad ay nilahukan ng mga Barangay Health Workers, Purok Leaders, mga residente ng Sitio Kalinawan, volunteers, Brgy. Officials at Brgy Tanod. Tulong-tulong ang naturang grupo sa paglilibot sa barangay upang makapulot ng iba’t ibang uri ng basura.
Tinatayang nasa walong sako ng iba’t ibang basura ang kanilang nakolekta.
Layunin ng aktibidad na itaguyod ang kamalayan sa mga mamamayan tungkol sa responsibilidad sa wastong pagtatapon ng basura at pangangalaga sa kalikasan.
