Mag-aaral ng Sta. Teresa Elementary School, nakiisa sa Awareness Symposium sa Albay

Nakiisa ang mga mag-aaral ng Sta. Teresa Elementary School sa isinagawang awareness symposium sa Barangay Teresa, Malilipot, Albay noong ika-17 ng Pebrero 2025.

Ang aktibidad ay pinangunahan ng mga kapulisan ng Malilipot Municipal Police Station (MPS) sa ilalim ng pamumuno ni PCpt Alex L Alcantara, Officer-In-Charge.

Tinalakay sa symposium ang mga mahahalagang paksa tulad ng Republic Act 8353 o ang Anti-Rape Law, Republic Act 7610 o ang Special Protection of Children Against Abuse, Exploitation, and Discrimination Act, at mga isyu kaugnay sa anti-terrorism.

Layunin ng aktibidad na ito na magbigay kaalaman sa mga mag-aaral ukol sa mga batas na nagpoprotekta sa kanilang mga karapatan at kaligtasan, pati na rin ang pagbibigay ng impormasyon upang maiwasan nilang masangkot sa masasamang gawain.