Samu’t Saring Serbisyo hatid sa mamamayan ng Roxas, Palawan

Matagumpay na ang isinagawang LGU Caravan sa halos 200 residente ng Sitio Itabiak, Brgy. Dumarao, Roxas, Palawan nito lamang ika-11 ng Pebrero 2025.

Ang aktibidad ay pinangunahan ng LGU Roxas katuwang ang 2nd Palawan PMFC, 10th Special Forces Company, at MBLT-11.

Naiparating sa nasabing sitio ang mga libreng serbisyo na paggugupit ng buhok, pagbabawas ng kilay, pagtutuli, Medical Consultation, Malarial Smear, Blood Pressure Monitoring, at pamamahagi ng mga libreng medisina.

Dagdag pa rito, nakapagbigay din ng serbisyo na may kaugnayan sa Live Birth Registration, Death Certificate, Marriage License Application, pagbabakuna ng anti-rabies para sa mga alagang hayop, pamamahagi ng fruit-bearing seedlings, pagtuturo sa mga residente ukol sa Foot Massage Therapy, at iba pang angkop na serbisyo mula sa MSWDO, MCRO, PDAO, TESDA, MHO, at MCAPAO.