Integrated Electrical Engineers of the Philippines, Inc. – La Union Chapter, nagbigay ng 5 Generador sa San Fernando City
Nagbigay ang Institute of Integrated Electrical Engineers of the Philippines, Inc. – La Union (IIEE-LU) Chapter ng limang gasoline engine generators sa City Government ng San Fernando, La Union noong Agosto 5, 2025 bilang bahagi ng isang turn-over ceremony. Ang mga generator ay ipinagkaloob upang matulungan ang lungsod sa mga pangangailangan nito sa enerhiya, lalo na sa panahon ng mga kalamidad.
Kasama sa donasyon ang tulong na ibinigay ng IIEE-LU sa power restoration sa Barangay Canaoay at San Vicente, katuwang ang La Union Electric Company. Nagsagawa rin sila ng damage assessment at temporary power connections sa ilang paaralan tulad ng Christ the King College at San Fernando City SPED Integrated School upang magbigay ng pansamantalang power source.
Ang proyektong ito ay nagpapakita ng malasakit at pagtutulungan, at nagdudulot ng kaginhawaan sa mga komunidad na apektado ng kalamidad. Ang aktibidad ay nag-aambag sa pagpapalakas ng resiliency ng mga komunidad, isang hakbang patungo sa mas ligtas at matatag na kinabukasan para sa La Union at sa buong bansa.
