2025 Fiesta, ipinagdiwang sa Lambunao, Iloilo

Isang makulay at ligtas na pagdiriwang ang isinagawa sa bayan ng Lambunao ngayong taon sa ilalim ng taunang Fiesta 2025, kung saan muling pinatunayan ng iba’t ibang ahensya at komunidad ang kahalagahan ng pagtutulungan para sa kapayapaan at kaayusan.

Pinangunahan ng Lambunao Municipal Police Station sa pamumuno ni PCPT JOSE WINSTON T BIADOG, Officer-in-Charge, ang pagpapatupad ng maximum police presence, security assistance, at traffic management.

Kasama sa nagbigay suporta ang Lambunao Fire Station na pinamumunuan ni SFO4 Gina Lyn B. Jaula, Acting Fire Marshall, na nakaantabay para sa anumang insidente ng sunog o emergency.

Nagbigay rin ng mahalagang ambag ang Public Order and Safety Office sa pamumuno ni Mr. Rogelio N. Ortigas sa pagpapanatili ng maayos na daloy ng trapiko at kaayusan ng mga lansangan.

Kasabay nito, nakahanda rin ang MDRRMO Team na pinamumunuan ni Mr. Albert L. Galan upang agarang makaresponde sakaling magkaroon ng sakuna o pangangailangang medikal.

Higit sa lahat, naging kapansin-pansin ang masigasig na partisipasyon ng mga barangay tanod at force multipliers na nagsilbing katuwang ng pulisya sa pagbabantay at pagpapanatili ng katahimikan.

Ang kanilang presensya at malasakit sa komunidad ang nagbigay ng dagdag na seguridad at kumpiyansa sa mamamayan at mga bisita.

Ang matagumpay na selebrasyon ng Lambunao Fiesta 2025 ay malinaw na patunay na sa pamamagitan ng pagkakaisa ng kapulisan, mga ahensya ng pamahalaan, at ng mismong komunidad, nagiging posible ang isang ligtas, maayos, at makulay na pagdiriwang.
Source: Lambunao MPS FB Page