BPATs, nakiisa sa Clean-up Drive

Nakiisa ang mga Barangay Peace-keeping Action Team (BPATs) sa isinagawang Clean-up Drive ng BLGU Puguis, sa pangunguna ni Punong Barangay Osburn P. Visaya, kasama ang mga opisyal ng barangay, kawani, boluntaryo, mga magsasaka, at mga may-ari ng puwesto sa Farmers Center noong Setyembre 13, 2025 na ginanap sa Barangay Puguis, La Trinidad, Benguet.

Ang aktibidad ay bahagi ng patuloy na kampanya ng BLGU Puguis na mapanatili ang kalinisan at kaayusan sa buong barangay.

Mula sa mga pangunahing kalsada hanggang sa paligid ng Farmers Center, sabay-sabay na naglinis at nagpulot ng basura ang mga kalahok bilang simbolo ng pagkakaisa at malasakit sa kapaligiran.

Ang layunin ng aktibidad na ito ay hindi lamang ang pisikal na paglilinis, kundi ang pagpapalalim din ng kamalayan ng bawat isa sa kahalagahan ng disiplina, pakikiisa, at pangangalaga sa kalikasan.

Ang matagumpay na clean-up drive ay patunay ng buhay na diwa ng bayanihan sa Barangay Puguis, na isang pamayanang sama-samang kumikilos para sa ikabubuti ng nakararami.