Marikina CPS, Namahagi ng sapatos at tsinelas sa mga bata sa Sto. Niño

MARIKINA CITY – Bilang bahagi ng patuloy na pagsusulong ng kapakanan ng mga kabataan at paglilingkod sa komunidad, nakiisa ang mga tauhan ng Marikina City Police Station (CPS), sa pangunguna ni PCOL JENNY DC TECSON, Chief of Police, sa isinagawang Outreach Program at pamamahagi ng sapatos at tsinelas para sa mga batang benepisyaryo noong Hulyo 25, 2026, dakong alas-11:00 ng umaga sa Manotoc Covered Court, Barangay Sto. Niño, Marikina City.

Isinagawa ang aktibidad sa pakikipagtulungan sa 2nd Civil-Military Operations (DALISAY) Company, 12th Civil-Military Operations Battalion (12CMOBn), CMOR, Philippine Army, bilang bahagi ng Legal Mission ng Philippine Army. Dumalo rin si Hon. Rizaldy C. Josef, Punong Barangay ng Barangay Sto. Niño, na nakiisa sa pamamahagi ng mga sapatos at tsinelas sa mga batang benepisyaryo.

Layunin ng programa na makapagbigay ng kinakailangang tulong sa mga batang nangangailangan, gayundin ang pagsusulong ng diwa ng bolunterismo, malasakit, at paglilingkod sa komunidad. Binigyang-diin din ng aktibidad ang matibay na ugnayan ng Philippine National Police (PNP), Philippine Army, lokal na pamahalaan, at komunidad sa pagpapatupad ng mga programang direktang nakatutulong sa mamamayan.

Naging posible ang matagumpay na pagsasagawa ng outreach program sa pamamagitan ng bukas-palad na suporta nina Mr. Jonathan Ting at Mr. Bobby Uy, na nagkaloob ng mga sapatos at tsinelas na ipinamahagi sa mga benepisyaryo.

Lalong pinatatag ng naturang aktibidad ang pagtutulungan ng PNP, Philippine Army, mga opisyal ng barangay, at pribadong sektor sa pagsusulong ng kapakanan ng komunidad at pagpapatibay ng positibong ugnayan ng pulisya at mamamayan, bilang bahagi ng kanilang sama-samang pangako na makapagtatag ng mas ligtas, maalaga, at matatag na komunidad.