Police visibility ug Anti-Bullying Information Drive, gipahugtan sa kapulisan sa Sultan Kudarat
Gipahugtan sa mga miyembro sa Sultan Kudarat Municipal Police Station, ubos sa pagpanguna ni PLTCOL Basher L. Alindo, Chief of Police, ang police visibility ug police presence, kauban ang paghimo ug Anti-Bullying Information Drive sa Nuling National High School, Barangay Salimbao, Sultan Kudarat, Maguindanao del Norte takna 9:20 sa buntag niadtong Agosto 20, 2026.
Tumong sa maong inisyatiba nga mapalambo ang usa ka luwas, respetado, ug walay bullying nga palibot sa pagkat-on, samtang gipalig-on ang panagtambayayong tali sa Philippine National Police (PNP), mga eskwelahan, ug komunidad alang sa pagpanalipod sa mga kabatan-onan.
Pinaagi sa kanunay nga presensya sa kapulisan ug paghatag og hustong impormasyon bahin sa pagpugong sa bullying, gidasig ang mga estudyante nga magpakita og respeto, disiplina, ug responsableng pamatasan ngadto sa ilang mga kauban.
Padayon usab nga gipalig-on sa maong kalihokan ang kooperasyon tali sa kapulisan, mga magtutudlo, mga estudyante, ug mga miyembro sa komunidad aron masiguro ang usa ka malinawon, luwas, ug positibong learning environment alang sa kabatan-onan.
