Catanduanes 1st PMFC, nagsagawa ng active shooter lecture sa Hawan Elementary School
Nagsagawa ng lecture ang mga tauhan ng Catanduanes 1st Provincial Mobile Force Company (Cat 1st PMFC) hinggil sa mga hakbang pangkaligtasan sa panahon ng pamamaril sa Hawan Elementary School noong Oktubre 12, 2026, bilang bahagi ng pagsusulong ng kaligtasan sa komunidad ng paaralan.
Pinangunahan ni Pat Francis Jay T. Del Rosario, Assistant Police Community Affairs and Development (PCAD), sa ilalim ng pangangasiwa ni PLTCOL Edenyl G. Escaño, Force Commander, ang aktibidad na naglalayong turuan ang mga mag-aaral, guro, at kawani ng paaralan sa tamang pagtugon sa ganitong uri ng emerhensiya.
Binigyang-diin sa talakayan ang kahalagahan ng pananatiling kalmado, pagkilala sa mga posibleng banta, pagsunod sa mga itinakdang emergency protocol ng paaralan, at pakikipagtulungan sa mga awtoridad upang mapangalagaan ang buhay at kaligtasan ng lahat.
Sa pamamagitan ng naturang inisyatiba, muling pinagtibay ng Cat 1st PMFC ang pangako nitong palakasin ang ugnayan sa mga paaralan at komunidad para sa isang ligtas at maayos na kapaligiran ng pag-aaral.
