Angono MPS, nagsagawa ng outreach program sa Angono, Rizal

Nagsagawa ng outreach program ang Angono Municipal Police Station (MPS), katuwang ang RACCERT PH, para sa mga bata ng Wawa, Barangay San Vicente, Angono, Rizal noong Agosto 2.

Pinangunahan ang aktibidad ng mga tauhan ng Angono MPS sa pamumuno ni PLT Manuel T. Danguecan Jr., Police Community Relations (PCR) Officer, sa ilalim ng pangangasiwa ni PLTCOL Ariel B. Azurin, Chief of Police. Layunin ng programa na magbigay ng tulong at magsulong ng kapakanan ng mga bata sa komunidad.

Sa pamamagitan ng naturang outreach program, higit na napalakas ang ugnayan ng Philippine National Police (PNP), RACCERT PH, at ng komunidad. Nagbigay rin ito ng pagkakataon sa makabuluhang pakikipag-ugnayan sa mga bata at kanilang mga pamilya, na nagtaguyod ng tiwala, pagkakaisa, at pagtutulungan bilang bahagi ng patuloy na pagsusulong ng PNP ng serbisyong nakatuon sa pangangailangan ng mamamayan at komunidad.