Coastal Clean-up Drive, isinagawa sa MisOr

Ngayong papalapit ang pasko ay magandang salubungin ang malinis at maayos na kapaligiran kaya naman nagsagawa ng coastal clean-up drive ang advocacy support groups at force multipliers sa Barangay Sta Ines, Talisayan, Misamis Oriental nito lamang ika-9 ng Disyembre 2023.

Sama-samang nagpulot ng mga basura ang mga tauhan ng Talisayan Municipal Police Station, Regional Maritime Unit 10, Barangay Health Worker, mga miyembro ng Savior of the Sea Masters Talisayan Chapter, at Barangay Sangguniang Kabataan.

Layunin nito na magkaroon ng malinis na kapaligiran ang naturang lugar at maiwasan ang mga sakuna gaya ng matinding pagbaha dulot ng maruming kalikasan.