Stakeholders, nakiisa sa Serbisyo Caravan sa Baggao Cagayan

Matagumpay na naisagawa ang Serbisyo Caravan sa pinagsanib na pwersa ng Local Government Unit ng Baggao sa pamumuno ni Hon. Mayor Leonardo Pattung kasama ang 2nd MFP, 1st Cagayan PMFC na ginanap sa Brgy. Bitag Grande, Baggao, Cagayan nitong ika 27 ng Disyembre 2023.

Isinagawa ang aktibidad sa pamamagitan ng libreng pre-medical and dental assessment, libreng gupit at pamamamahagi ng food packs sa mga residente ng naturang lugar.

Sa Ikalawang bahagi ng programa ay nagkaroon din ng Feeding activity kung saan bakas sa tuwa at saya ang makikita sa mga mukha lalo na ang mga bata ng kanilang tanggapin ang pagkain na inihanda ng grupo.

Ang nasabing aktibidad ay may kaugnay sa Project CASI o Comprehensive Assistance to Students and Indigenous people na layuning matulungan ang residente at mga estudyante lalo na sa mga liblib na lugar.

Ang aktibidad ay may kaugnay sa pagsuporta sa E0 70 National Task Force to End Local Communist Armed Conflict.

Source: 1st Cagayan PMFC