KKDAT at Karancho, nakiisa sa PNP Family Day
Nakiisa ang mga Kabataan Kontra Droga at Terorismo (KKDAT) at Karancho Nasipit Chapter sa isinagawang “Pamilya ng Pulis” PNP Family Day ng Nasipit Municipal Police Station na ginanap sa Nasipit MPS, Agusan Del Norte noong Hulyo 13, 2024.
Iba’t ibang mga aktibidad ang inorganisa para sa mga pamilya at mga bata kabilang dito ang libreng gupit at manicure, mga laro, mga libangan na nagbigay ng kasiyahan at kapanapanabik na karanasan para sa lahat ng dumalo.
Isinagawa ang aktibidad na ito upang ipagdiwang ang dedikasyon at sipag ng ating mga pulis at ang napakahalagang suporta ng kanilang mga pamilya.
Malaki ang naging bahagi ng mga miyembro ng Karancho Nasipit at KKDAT Nasipit sa tagumpay ng mga aktibidad, lalo na sa pag-organisa ng mga parlor games para sa mga bata at pagtulong upang maging matagumpay ang aktibidad.
