Community Outreach Program, pinangunahan ng LGBTQ

Pinangunahan ng mga miyembro ng LGBTQ+ Advocacy Support Group- Lebak Chapter ang Community Outreach Program kaugnay sa programang PNP Oplan BES (Bisita Eskwela) sa paaralan ng Celeste Central Elementary School, Lebak, Sultan Kudarat nito lamang Abril 3, 2023.

Katuwang sa aktibidad ang Lebak Municipal Police Station na pinapangunahan ni Police Lieutenant Colonel Julius Malcontento.

Nakatanggap naman ang mga mag-aaral ng libreng gupit at nagkaroon din ng feeding program.

Lubos ring ikinasaya ng mga kabataan ang idinaos na Zumba Dance ng naturang grupo.

Ipinaaabot naman ng mga guro ng naturang paaralan ang kanilang taos-pusong pasasalamat walang pag-iimbot na kabutihan para sa mga Batang Celestenians.