KKDAT members, nakiisa sa Fun Run sa Cotabato

Nakiisa ang mga miyembro ng Kabataan Kontra Droga at Terorismo (KKDAT) sa Fun Run Activity na ginanap sa Carmen, Cotabato nito lamang Lunes, Nobyembre 6, 2023.

Ang naturang aktibidad ay inorganisa ng 34th Infantry Reliable Battalion na aktibong nilahukan ng nasabing grupo kasama ang mga kawani ng LGU- Midsayap, Midsayap PNP at iba pang mga pribadong grupo. Layunin nitong bigyan ng inspirasyon ang mga kabataan na pangalagaan ng mabuti ang kanilang mga katawan sa pamamagitan ng pag-eehersisyo.

Samantala, patuloy naman ang mga miyembro ng KKDAT sa paghihikayat sa mga kabataan na makiisa sa mga aktibidad upang mahasa ang kanilang kakayanan.