Libreng Serbisyo Program hatid ng Advocacy Support Group

Nagsagawa ng Medical, Surgical Mission at Outreach Program ang mga miyembro ng Advocacy Support Group sa Sitio Sibato, Barangay Guimbalaon, Silay City nito lamang ika-5 ng Abril 2024.

Ang aktibidad ay inisyatibo ng National Commission on Indigenous People at Provincial Health Office, Negros Occidental katuwang ang 1^st Negros Occidental Provincial Mobile Force Company, Advisory Group ng 1^st NOCPMFC at iba pang volunteers.

Ginanap sa aktibidad ang libreng tuli, libreng medikal at dental check-up pamamahagi ng libreng gamot, food packs at iba pang mga serbisyo.

Patuloy ang grupo sa mga ganitong aktibidad upang matulungan ang mga kababayan natin na lubos na nangangailangan at maipadama ang pagmamalasakit ng pamahalaan sa ating mamamayan.    

Source: 1^st NOCPMFC

Panulat ni Julius Sam Accad