KKDAT Sabangan Chapter, nakiisa sa Tree Planting Activity

Nakiisa ang mga miyembro ng Kabataan Kontra Droga at Terorismo sa isinagawang Tree Planting Activity sa Batakang, Data, Sabangan, Mountain Province nito lamang ika-28 ng Mayo 2024.

Ang aktibidad ay pinasimulan ng Barangay Local Government Unit ng Barangay Data katuwang ang mga tauhan ng Sabangan Municipal Police Station at KKDAT Sabangan Chapter.

Matagumpay na nakapagtanim ang naturang grupo ng 100 Benguet Pine Tree seedlings sa nasabing lugar.

Samantala, pinuri ni Honorable Pedro Besoy, Chairperson ng nasabing barangay, ang mga kabataan na miyembro ng KKDAT sa kanilang dedikasyon at pagsisikap na makatulong sa pamayanan.

Ang aktibidad ay naglalayong palawakin ang kamalayan at ugnayan sa bawat miyembro ng komunidad sa adbokasiyang natataguyod sa pangangalaga sa kapaligiran.