Advocacy Support Group, nagsagawa ng Tree Planting Activity

Nagsagawa ng Tree Planting Activity ang mga miyembro ng Advocacy Support Group kaugnay sa pagdiriwang ng Philippine Environment Month 2024 sa Sitio Pulong, Barangay Nasunogan, Dao, Capiz nito lamang ika-4 ng Hunyo 2024.

Ang aktibidad ay may temang “Our Environment, Our Future” at naisagawa ito sa tulong ng Dao Municipal Police, iba pang mga ahensya ng pamahalaan at mga boluntaryong grupo.

Nasa 600 na punong kahoy ang matagumpay na naitanim ng mga kalahok sa naturang lugar na magsisilbing pamalit sa mga nasirang puno at panatilihin ang kaayusan ng kapaligiran.

Patuloy ang grupo katuwang ang ibang ahensya ng gobyerno sa pangangalaga ng kalikasan para sa mas maunlad na hinaharap.

Source: Dao MPS

Panulat ni Pat Julius Sam Accad