KKDAT, nakilahok sa Coastal Clean-up Drive sa Bohol

Aktibong nakilahok ang mga miyembro ng Kabataan Kontra Droga At Terorismo sa Coastal Clean-up Drive na ginanap sa Marble Beach, Barangay Can-uba, Jagna, Bohol noong ika-4 ng Hunyo 2024.

Ang makabuluhang aktibidad ay pinangunahan ng Jagna Municipal Police Station, sa pamumuno ni Police Major Christopher Ras Fernandez, Acting Chief of Police, katuwang ang suporta ng mga opisyal ng barangay, mga Barangay Health Workers, at BPATs.

Ang paglilinis ng kapaligiran ay nagpapakita ng pagkakaisa ng bawat isa at pakikiisa ng komunidad kasama ang Jagna PNP sa adhikaing protektahan ang ating kapaligiran.

Ang ganitong mga hakbangin ay nagpapakita ng tunay na serbisyo para sa bayan at kalikasan, alinsunod sa mga adhikain na Bagong Pilipinas.

Source: Jagna MPS