BADAC Cluster Leaders Seminar, isinagawa sa Davao del Norte

Isinagawa ang First Batch ng BADAC Cluster Leaders Seminar na ginanap sa Panabo Gymnasium, Panabo, Davao del Norte nito lamang ika-10 ng Hunyo 2024.

Kabilang sa mga dumalo ay sina City Councilor Hon. Omar Ranain at ang kinatawan ng PDEA Provincial Office na sina Agent Jayson Floyd Casiller at Agent Janece Argullozos.

Personal na dumalo sa naturang pagtitipon si Panabo City Mayor Hon. Jose E. Relampagos, na naghandog ng taos-pusong mensahe sa naging pahayag nito sa mga partisipante.

Hindi rin nagpahuli ang kinatawan ng Panabo Police Station na si Police Lieutenant Colonel Jess Anthony B Maghirang, Acting Chief of Police at Police Captain R Villarino na siyang tumalakay sa Basic Intelligence Cycle habang binigyang-diin naman ni CADAC Action Officer Roqueos L. Cimafranca ang mga tungkulin at pananagutan ng mga miyembro.

Ang mga Purok Leaders na dumalo ay nagmula sa Poblacion at Nort Barangay ng lungsod ng Panabo.

Samantala, patuloy naman ang pakikipag-ugnayan ng iba’t ibang ahensya ng gobyerno at pribadong sektor upang paigtingin ang laban kontra ilegal na droga.