Mag-aaral ng Alangan Elementary School, nakilahok sa Drug Awareness Lecture

Aktibong nakilahok ang mga mag-aaral ng Alangan Elementary School, Limay, Bataan sa isinagawang Drug Awareness Lecture ng mga tauhan Bataan 2nd Provincial Mobile Force Company nito lamang Martes, ika-19 ng Nobyembre 2024.

Matagumpay ang aktibidad sa pamumuno ni Police Lieutenant Colonel Alias L Tait, Force Commander ng Bataan 2nd PMFC.

Tampok sa talakayan ang iba’t ibang uri ng droga, ang masamang epekto nito sa kalusugan, at ang mga kaparusahang maaaring harapin ng sinumang mahuling gumagamit o nagbebenta ng ipinagbabawal na gamot.

Layunin ng programang ito na hikayatin ang mga kabataan na umiwas sa anumang uri ng droga upang maprotektahan ang kanilang kalusugan at maitaguyod ang kanilang maayos na kinabukasan. Isang positibong hakbangin ito ng Pambansang Pulisya na nagbibigay-kaalaman sa mga kabataan at nagpapatibay sa kampanya laban sa ilegal na droga.