Mga Estudyante ng Bayambang, hakot award sa Pangasinan IT Challenge for Youth with Disabilities Year 3

Muling nag-uwi ng karangalan ang mga estudyanteng Bayambangueño, matapos ang mga ito ay magwagi sa ikatlong taon ng Pangasinan IT Challenge for Youth with Disabilities nito lamang Biyernes, Hunyo 13, 2025 sa Capitol Complex, Lingayen, Pangasinan.

Ang mga nanalo ay sina Lina A. Junio (hard of hearing), na First Placer sa ELife Map (Web Browsing); Jake Adam Fontanilla (ASD), na Second Placer sa ETool Powerpoint at Third Placer sa ETool Excel; at Kyle Jared Aguirre (ASD), na Third Placer naman sa EContent Videomaking na pawang mga estudyante ng Bayambang National High School (BNHS).

Sila ay sinamahan at inasistehan sa kapitolyo ni Mr. Rafael Carungay, BNHS Inclusive Education Coordinator bilang coach; at Persons with Disability Affair Officer, Mr. Johnson Abalos, bilang LGU coach. (RSO; PDAO).

Patunay lamang ito na hindi hadlang ang mga hamon sa buhay para makamit ang matamis na tagumpay.

Source: Bayambang LGU