Bloodletting Activity, isinakatuparan sa Malilipot, Albay

Aktibong lumahok ang mga tauhan ng Malilipot Municipal Police Station (MPS), sa ilalim ng pamumuno ni PCpt Alex L. Alcantara, Officer-in-Charge, sa isang Bloodletting Activity noong Hulyo 9, 2025, ganap na alas-10 ng umaga.

Ang naturang aktibidad ay ginanap sa Malilipot Municipal Hall, Barangay 2 Poblacion, Malilipot, Albay, at pinangunahan ng Rural Health Unit (RHU)-Malilipot.

Ang makabuluhang gawaing ito ay isinagawa bilang bahagi ng selebrasyon ng 30th Police Community Relations (PCR) Month at ng Lubid Festival 2025.

Taglay nito ang temang “Give Blood, Give Hope: Together We Save Lives,” na nagbibigay-diin sa kahalagahan ng pagkakaisa at malasakit sa kapwa para sa ikabubuti ng kalusugan ng buong sambayanan.

Layunin ng aktibidad na mangalap ng mga donasyong dugo na maaaring magligtas ng buhay, partikular na sa mga pasyenteng nangangailangan. Isa rin itong patunay ng walang pag-iimbot na paglilingkod ng kapulisan ng Malilipot at ng mga boluntaryong nakiisa sa gawain.

Sa pamamagitan ng ganitong mga hakbangin, muling ipinamalas ng komunidad ng Malilipot ang diwa ng bayanihan at pagtutulungan. Isang paalala ito na sa pagkakaisa at pagtutulungan, sama-sama nating naililigtas ang buhay ng kapwa—isang tagumpay na karapat-dapat ipagdiwang.

Source: Malilipot Mps Albay Ppo