Anti-Illegal Drugs at Anti-Terrorism Awareness, isinagawa sa San Fernando, Cebu
Dumalo ang mga tauhan ng San Fernando Police Station sa pangunguna ni PMAJ Michael C. Gingoyon, Chief of Police, sa isinagawang pagpupulong ng Barangay Anti-Drug Abuse Council (BADAC) sa Barangay Magsico.
Sa nasabing pagpupulong, tinalakay ang mas pinaigting na kampanya laban sa iligal na droga, terorismo, at iba pang uri ng kriminalidad na maaaring makapinsala sa katahimikan ng komunidad.
Binigyang-diin ni PMaj Gingoyon at ng kanyang mga kasama ang kahalagahan ng pakikipag-ugnayan at pakikipagtulungan ng kapulisan sa pamahalaang barangay upang masiguro ang ligtas, mapayapa, at maayos na pamumuhay ng bawat residente.
Ang ganitong uri ng inisyatiba ay mahalagang hakbang para mapalakas ang kolaborasyon sa pagitan ng mga pulis at ng barangay, at upang maiparating sa mamamayan ang mensahe na ang kapulisan ay tunay na katuwang nila sa pagtataguyod ng kapayapaan at seguridad.
Sa ilalim ng programang ito, muling pinagtitibay ang panawagan na aktibong makiisa ang lahat ng sektor sa pagsugpo sa masasamang elemento ng lipunan—mula sa droga, terorismo, hanggang sa iba pang mga kriminal na aktibidad.
