Pagtutulungan ng kapulisan at mga guro sa Brigada Eskwela 2026 Opening Program

Aktibong nakibahagi ang mga tauhan mula sa Community Affairs Section (CAS), Sub-Station 12, at RPSB Team 1 ng Caloocan City Police Station sa Opening Program ng Brigada Eskwela na ginanap sa Sto. Niño Elementary School.

Dinaluhan ang nasabing programa ng mga pangunahing kinatawan ng paaralan at komunidad kabilang si Dr. Moises R. Tamondong, Principal IV ng Sto. Niño Elementary School, at si Ms. Michelle Paronda, kinatawan ng Philippine Red Cross – Caloocan Chapter, kasama ang mga opisyal ng paaralan, guro, magulang, at iba pang stakeholder.

Sa pamumuno ni PCOL JOEY T GOFORTH, Hepe ng Caloocan City Police Station, at sa direktang superbisyon ni PLT MA GRACIA E BALDERAS, OIC ng CAS, nakibahagi ang mga pulis na sina Pat Mahadir Jayanna at Pat Aya-Nacel Lalimarmo bilang suporta sa Brigada Eskwela ng Department of Education (DepEd).

Ang pakikilahok na ito ay nagpapakita ng patuloy na pagtutulungan ng kapulisan at sektor ng edukasyon upang isulong ang aktibong partisipasyon ng komunidad at bolunterismo. Layunin nitong patatagin ang ugnayan ng mga stakeholder at makatulong sa pagpapanatili ng ligtas, maayos, at kaaya-ayang kapaligiran para sa mga mag-aaral, guro, at buong pamayanan.