“Hatag ni Abtik,” naghatid ng tulong at saya sa mga bata at mamamayan ng Masbate
Bilang bahagi ng pagsusulong ng serbisyong nararamdaman, nagsagawa ang Masbate 1st Provincial Mobile Force Company (PMFC), sa pamamagitan ng R-PSB Team Jamorawon, ng outreach program na “Hatag Ni Abtik” sa Sitio Imbudo, Brgy. Jamorawon, Masbate noong Oktubre 20, 2026.
Pinangunahan ni PSSg Jose A. Pacheco ang aktibidad, katuwang ang mga miyembro ng PSFTP CL 2015 – Alpha to Foxtrot at R-PSB Team Sta. Maria. Tampok sa programa ang pamamahagi ng pagkain sa mga bata, mga nagdaraan, at mga motorista, gayundin ang pagbibigay ng mga kagamitang pampaaralan sa mga batang residente. Sa pamamagitan ng mga simpleng handog na ito, layunin ng kapulisan na makatulong sa pang-araw-araw na pangangailangan ng mga mamamayan at masuportahan ang edukasyon ng mga kabataan.
Bahagi ang nasabing inisyatibo ng PNP Focused Agenda, partikular sa Community Support, na naglalayong palakasin ang ugnayan ng kapulisan at ng komunidad sa pamamagitan ng mga programang tumutugon sa pangangailangan ng publiko. Sa ilalim ng Project Alagang KA-SU-ROG (KA — Kapamilyang ituring ang komunidad; SU — Suportang tapat at nararamdaman; ROG — Respondeng mabilis, Obligasyong may puso, at Gabay ng mamamayan), patuloy na isinusulong ng Masbate 1st PMFC at ng mga R-PSB Teams ang makatao, responsable, at makabuluhang paglilingkod na nagbibigay-halaga sa kapakanan ng bawat mamamayan.
Sa pamumuno ni PBGen Randy Glenn G Silvio, Regional Director ng Police Regional Office 5 (PRO5), patuloy na itinataguyod ng kapulisan ang serbisyong may malasakit at aktibong pakikilahok sa pag-unlad ng mga komunidad. Ipinapakita ng “Hatag Ni Abtik” na sa bawat pagkaing naiaabot at kagamitang pampaaralang naipagkakaloob, higit na tumitibay ang tiwala at pagkakaisa ng kapulisan at mamamayan tungo sa isang ligtas, maayos, at maunlad na Bicol, alinsunod sa adhikain ng Bagong PNP para sa Bagong Pilipinas: Serbisyong Mabilis, Tapat, at Nararamdaman.
Source: https://www.facebook.com/share/p/1FYAqet2vw/
Sa panulat ni: PCpl Doxie Charesse C Casasos
