NPD, naghatid ng livelihood training at outreach program sa 200 benepisyaryo
Pinalawak ng Northern Police District (NPD) ang programa nito sa paglilingkod sa komunidad sa pamamagitan ng pagsasagawa ng community engagement activities at outreach program na nagbigay ng benepisyo sa 200 kalahok sa Caloocan City, kasabay ng pagpapatupad ng seguridad para sa 49th ASEAN Leaders’ Summit and Related Summits 2026.
Sa ilalim ng pamumuno ni PBGEN BENLINER L. CAPILI, District Director ng NPD, tampok sa aktibidad ang livelihood training at mga lektyur na naglalayong magbigay ng praktikal na kasanayan, dagdag na kaalaman at oportunidad upang mapabuti ang pamumuhay ng mga benepisyaryo.

Naging pagkakataon din ang programa upang higit pang patatagin ang ugnayan ng pulisya at komunidad, palawakin ang kaalaman ng publiko at hikayatin ang aktibong pakikilahok ng mga mamamayan sa pagpapanatili ng kapayapaan at kaayusan.
Binigyang-diin ni PBGEN CAPILI na hindi lamang pagpapatupad ng batas at pagpapanatili ng seguridad ang tungkulin ng pulisya, kundi maging ang pagbibigay-kapangyarihan sa mga komunidad at pagbuo ng makabuluhang pakikipagtulungan sa publiko.

Sa pamamagitan ng inisyatibang ito, muling pinagtibay ng NPD ang paninindigan nitong maglingkod nang higit pa sa seguridad, sa pagsusulong ng pagkakaisa, pagtutulungan at sama-samang pag-unlad ng mga pamayanang pinaglilingkuran nito.