BPAT, Kapulisan, Nagtambal sa Pagbibigay Seguridad
Ipinakita ng mga miyembro ng Barangay Peacekeeping Action Team (BPATs) ng Brgy. Campo sa Bacuag, Surigao del Norte ang kanilang kahalagahan sa isinagawang BPAT mobilization sa naturang lugar noong ika 28 ng Hulyo 2024.
Kaagapay ang Bacuag Municipal Police Station, ang nasabing mobilization ay bahagi ng kanilang patuloy na pagsisikap upang mapanatili ang kaayusan at seguridad sa kanilang nasasakupan.
Sa pamamagitan ng presensya ng mga pulis at BPATs, inaasahang mas mapalalakas ang kampanya laban sa kriminalidad at mas mapananatili ang kapayapaan sa komunidad.
Ang pagtutulungan ng PNP at BPATs ay isang patunay ng dedikasyon sa paglilingkod at pagsisiguro ng kaligtasan ng bawat mamamayan. Ito ay nagpapakita ng kahandaan na harapin ang anumang hamon at panganib upang mapanatili ang kaayusan at kapayapaan sa kanilang lugar.
