5 sako ng bigas handog ng Sta. Cruz LGU para sa People’s Organization

Iniabot ng Sta. Cruz LGU sa pangunguna ni Gng. Ommi Kharzoom L. Buat, Planning Officer, MPDO nito lamang Setyembre 16, 2024 ang limang sako ng bigas sa Revitalized-Pulis Sa Barangay(R-PSB) Cluster 2 para sa mga inisyatibo nito sa publiko.

Ang bigas na ito ay nakatakdang ibabahagi sa mga miyembro ng Peoples Organizations na inorganisa ng R-PSB Team sa Coronon, Zone 1, Saliducon; mga BIN Informants, at iba pang mga target na benepisyaryo tulad ng mga pamilyang may mababang kita at mga PWDs.

Ang mga proyektong katulad nito ay tiyak na magpapatuloy sa pagsusumikap ng mga kapulisan at sa aktibong suporta ng mga lokal na pamahalaan na may iisang layunin na makamit ang mas masaganang komunidad kung saan ang mga bata ay ligtas na nag-aaral at ang bawat isa ay namumuhay ng mapayapa.