BPATs sumailalim sa Handcuffing Techniques Training

Nagsagawa ng pagsasanay patungkol sa Handcuffing Techniques ang mga miyembro ng Barangay Peacekeeping Action Team (BPATs) ng Brgy. Kababae, Olongapo City nito lamang Sabado ika-25 ng Pebrero 2023.

Pinangunahan ito ni Police Captain Allan R Ednave, Officer-In-Charge, Police Station 2 ng Olongapo City PNP.

Ang aktibidad ay naglalayong malinang ang kaalaman ng mga miyembro ng BPATs na siyang kaagapay ng mga awtoridad sa pagpapanatili ng kaayusan at kapayapaan sa kanilang nasasakupan.