Community Outreach Program isinagawa sa Alubijid, Misamis Oriental

Nasa 400 indibidwal ang nakinabang sa Community Outreach Program na isinagawa sa Purok 2, Baybay, Alubijid, Misamis Oriental nito lamang Sabado, Pebrero 25, 2023.

Nakiisa sa aktibidad ang Police Regional Office 10 Officer’s Ladies Club sa pangunguna ni Ms. Jeralyn Leonor kabalikat ang mga tauhan ng Misamis Oriental Police Provincial Office, 2nd Provincial Mobile Force Company Misamis Oriental, Regional Medical and Dental Unit 10, Alubijid Municipal Police Station at Barangay Officials ng nasabing lugar.

Nagkaroon ng libreng serbisyong dental para sa mga kabataan, pamimigay ng mga tsinelas at mga jollibee meals.

Naghandog din ng special number ang mga kabataan sa pamamagitan ng pagsasayaw.

Layunin ng aktibidad na matulungan ang mga kababayan na mas nangangailangan.