Awareness Lecture, isinagawa sa San Miguel Rural Development High School
San Miguel, Catanduanes – Nakiisa ang mga mag-aaral ng Rural Development High School sa isinagawang Awareness lecture ng San Miguel Police Station sa Barangay District 1, San Miguel, Catanduanes noong ika-19 ng Setyembre 2024.
Tinalakay ng mga kapulisan sa nasabing aktibidad ang mga mahahalagang paksa tulad ng crime prevention, anti-drug campaign, juvenile justice, anti-terrorism at traffic rules and regulations.
Layunin nito na magbigay ng kaalaman sa mga estudyante tungkol sa mga batas at mga hakbang na maaaring gawin upang makaiwas sa krimen, droga, terorismo at sa tamang pagsunod sa batas-trapiko upang maiwasan ang aksidente sa kalsada.
Ang nasabing aktibidad ay bahagi ng pagpapaalala laban sa kriminalidad at terorismo, pati na rin ang pagtutok sa kabataan upang maiwasan ang kanilang pagkakasangkot sa maling gawain.
