Barangay Visitation at Pagpupulong ng BADAC, isinagawa sa Barili, Cebu

Nagsagawa ng buwanang pagpupulong ang Barangay Anti-Drug Abuse Council (BADAC) na ginanap sa Barangay Malolos at Barangay Giloctog, Barili, Cebu.

Dumalo ang mga tauhan ng Barili Municipal Police Station sa ilalim ng direktang pamumuno ni Police Major Gerald D. Casalme, Officer-in-Charge.

Tinalakay sa pagpupulong ang mga isyu kaugnay ng kapayapaan at kaayusan sa nasabing mga barangay.

Kabilang din sa mga pinagtuunan ng pansin ay ang patuloy na kampanya ng PNP laban sa terorismo sa ilalim ng National Task Force to End Local Communist Armed Conflict (NTF-ELCAC), laban sa ilegal na droga, at iba pang usapin na may kinalaman sa kaligtasan ng komunidad.

Layunin ng pagpupulong na paigtingin ang ugnayan ng pulisya at ng mga opisyal ng barangay upang mas epektibong matugunan ang mga suliranin sa droga at kriminalidad sa kani-kanilang nasasakupan.