Pamamahagi ng relief supplies sa Ilin Island, San Jose, pinangunahan ni Governor Ed Gadiano

Bilang bahagi ng pinaigting na PDRRMC Relief Operations ng Pamahalaang Panlalawigan ng Occidental Mindoro, nagkaroon ng relief operation sa Brgy Ilim Island, San Jose, Occidental Mindoro nito lamang Hulyo 30, 2025.

Pinangunahan ni 𝗚𝗢𝗩𝗘𝗥𝗡𝗢𝗥 𝗘𝗗 𝗚𝗔𝗗𝗜𝗔𝗡𝗢 ang pamamahagi ng relief supplies sa mga kababayan mula sa mga barangay sa Ilin Island sa bayan ng San Jose. Sa naturang aktibidad, tinatayang 1,707 pamilya mula sa mga barangay ng Natandol, Inasakan, Pawican, Ilin Proper, Ansiray, Catayungan, Ambulong, Labangan Ilin, Ipil, Bangkal, at Buri ang nakatanggap ng food packs bilang agarang tugon sa mga pangangailangan bunsod ng matinding epekto ng nagdaang bagyo.

Samantala, katuwang sa isinagawang operasyon ang mga kawani mula sa Provincial Disaster Risk Reduction and Management Office (PDRRMO), Provincial Governor’s Office (PGO), Provincial Social Welfare and Development Office (PSWDO), Office of the Provincial Agriculturist (OPA), Office of the Provincial Veterinarian (PVET), Department of Social Welfare and Development (DSWD), Occidental Mindoro PNP at Philippine Coast Guard (PCG).

Dagdag pa dito, umabot sa 10,000 food packs sa pangangasiwa ng Department of Social Welfare and Development (DSWD) ang naipamahagi sa buong lalawigan ng Occidental Mindoro.

Labis naman ang pasasalamat ng mga resindenteng nakilahok sa naturang aktibidad.

source: Occidental Mindoro PIO