Anti-Bullying at Crime Prevention Symposium, matagumpay na idinaos sa Tigbauan, Iloilo
Isang pagtutulungan ang matagumpay na isinagawa ng mga guro ng Tigbauan National High School at Tigbauan Municipal Police Station (MPS) kung saan idinaos ang isang School-Based Symposium tungkol sa Anti-Bullying at Crime Prevention nito lamang ika-26 ng Agosto 2025 sa Tigbauan National High School, Brgy. 4 Poblacion, Tigbauan, Iloilo.
Pinangunahan ito ng mga PNP personnel sa pamumuno ni PEMS Cristine Banas, Team Leader, sa ilalim ng superbisyon ni PCPT Alfred Mansoy, OIC kagapay ang mga guro sa nasabing paaralan.
Layunin ng aktibidad na maipaabot sa mahigit 200 mag-aaral ang mahahalagang kaalaman upang sila ay maging responsable at ligtas sa loob at labas ng paaralan.
Sa pakikipagtulungan ng mga guro at school administrators, naging mas makahulugan ang talakayan dahil naipakita kung gaano kahalaga ang pagtutulungan ng kapulisan at paaralan upang mapanatili ang kaayusan.
Ang mga mag-aaral ay naging aktibo sa pagbabahagi ng kanilang karanasan at pagtatanong hinggil sa mga batas laban sa bullying at krimen, na nagbigay-daan sa mas malalim na pag-unawa sa kanilang mga karapatan at tungkulin.
Ipinakita rin ng Tigbauan PNP na ang pagbibigay-edukasyon ay isang mabisang paraan upang maiwasan ang mga insidente ng karahasan at maling gawain. Sa pamamagitan ng pagbibigay ng tamang impormasyon, nahuhubog ang kamalayan ng mga kabataan at naipapakita na ang kaligtasan ng komunidad ay nakasalalay hindi lamang sa pulisya kundi pati na rin sa aktibong pakikiisa ng bawat mamamayan.
Sa huli, pinatunayan ng naturang aktibidad na ang pagkakaisa ng PNP, mga guro, at mag-aaral ay isang malaking hakbang tungo sa mas ligtas at maunlad na bayan.
Ang ganitong inisyatiba ay patunay na epektibo ang mga programang ipinatutupad ng pamahalaan upang palakasin ang seguridad at kaayusan sa mga paaralan at komunidad—isang hakbang na dapat ipagpatuloy at suportahan ng lahat.
Source: TIGBAUAN MPS FB PAGE
