Philippine Red Cross La Union Chapter, agad na rumesponde matapos ang lindol habang nagsasagawa ng Blood Donation at CPR Caravan
Nasubok ang dedikasyon ng mga staff at volunteers ng Philippine Red Cross La Union Chapter ngayong araw, Oktubre 9, 2025, matapos yanigin ng magnitude 4.8 na lindol ang bahagi ng Pugo La Union bandang alas 10:30 ng umaga.
Sa lungsod ng San Fernando La Union, kung saan isinasagawa ang isang mahalagang Mobile Blood Donation Drive at CPR Caravan outreach program, agad na inilipat ng Red Cross teams ang kanilang atensyon sa emergency response. Nang maramdaman ang pagyanig na umabot sa Intensity II, mabilis at maayos na kumilos ang mga volunteers upang tumulong sa ligtas na paglikas ng mga guro at estudyante mula sa dalawang pangunahing institusyong pang-edukasyon, ang Lorma Colleges at CICOSAT Colleges.
Kasalukuyang nakikipag-ugnayan ang Philippine Red Cross La Union Chapter sa mga lokal na tanggapan ng Disaster Risk Reduction and Management upang patuloy na subaybayan ang sitwasyon, partikular na ang posibilidad ng mga aftershock.
Muling pinatunayan ng insidenteng ito ang kahandaan, bilis ng tugon, at tunay na diwa ng boluntaryong serbisyo ng Philippine Red Cross sa gitna ng biglaang sakuna.
Source: Philippine Red Cross La Union Chapter
